Կենտրոնում երեխաներն էին ու նրանց ժպիտները

Spread the love
Կենտրոնում երեխաներն էին ու նրանց ժպիտները

Մշակույթի կենտրոնից քիչ այն կողմ երիտասարդ ինժեներներն են ՝հեռու աղմուկից ու անցուդարձից . իրենց աշխատանքներն են ցուցադրում : Երեխաների պաշտպանության միջագային օրը սեփական արտադրանքով ներկայանալու լավ առիթ էր: Երեք դե եռաչափով ստեղծված պլաստմասե իրերը ցուցադրության են հանել ու փորձոմ են, ինչու չէ, նաև վաճառել՝ կախիչներ, շախմատի քարեր, տարբեր առարկաներ, անգամ Հայաստանի քարտեզն ու էյֆելյան աշտարակը : Եվ ներկայացնում են,և խոսում առողջ մանկության մասին՝միաժամանակ չմոռանալով, որ իրենք ևս դեռ երեխա են:

Կենտրոնում երեխաներն էին ու նրանց ժպիտները

Տարբեր դպրոցների աշակերտների համար ինժեներական լաբորիատորիաների ստեղծումը լավ առիթ դարձավ համախմբվելու մեկ գաղափարի շուրջ՝ օգտագործելով նորագույն տեխնոլոգիաները, հասնելու նոր նվաճումների: Միաժամանակ այս կերպ փորձում են դասերից հետո կտրվել փողոցից, զերծ մնալ վատ սովորություններից ու արարքներից: Իսկ մեկ այլ սեղանի մոտ էլ համակարգչային տարբեր խաղերի սիրահարներն են:

Կենտրոնում երեխաներն էին ու նրանց ժպիտները

Նկարչություն,տարաբնույթ խաղեր, երգ ու պար, մրցույթներ, շախմատ ու շաշկի .մի խոսքով՝ բովանադակալից տոն .սրան են փորձել հասնել «Վորլ Վիժն Հայաստանի» Սյունիքի մարզի ծրագրերի ներկայացուցիչները Կապանի քաղաքապետարանի հետ համատեղ: Կենտրոնում երեխաներն ու նրանց ժպիտները:

Հարցված երեխաների մեծ մասի խոսքով՝ երջանիկ մանկության համար պետք է ծնողների կողքին մշտապես լինել, իսկ երկրում էլ ՝ խաղաղություն :Այս դեպքում գեղանկարների մեջ կգերակշռեն վառ գույները:

Այս տարի ևս Սյունիքի մարզպետարանը Երեխաների միջազգային օրվա առթիվ մարզի տարբեր տարածաշրջանների կարիքավոր ընտանիքների երեխաներին ֆինանսական աջակցություն է տրամադրել :
Երեխաների պաշտպանության միջազգային օրվան նվիրված միջոցառումները եզրափակվեցին երաժշտական կատարումներով:
Հերմինե Միքայելյան