Մասնագիտական կողմնորոշում. այց Սյունիքի տարածաշրջանային պետական քոլեջ

Spread the love
Մասնագիտական կողմնորոշում. այց Սյունիքի տարածաշրջանային պետական քոլեջ

Սյունիքի տարածաշրջանային պետական քոլեջը մարդաշատ էր։ Քաղաքի երեք կրթօջախների աշակերտներին էր հյուրընկալել ուսումնական հաստատությունը։ Մուտքից սկսած՝ դասախոսները աշակերտներին ուղեկցում էին լսարաներով , պատմում կրթօջախի պատերին փակցված լուսանկարների մասին , որոնք լավագույնս են արտացոլում տարբեր տարիների աշխատանքը։

Ինչ մասնագիտությունների գծով է այստեղ ուսուցում կազմակերպվում, ինչ սկզբունքներով են դիմորդները ընդունվում, ինչ հնարավորություններ է նրանց տալիս քոլեջում ուսանելը .այս բոլորի մասին առանձին-առանձին ներկայացնում էր ստեղծված հատուկ հանձնաժողովը։
Ժաննա Աթայանը հատկապես տղաների ուշադրությունը հրավիրում է կապի և սարքավորումների մոնտաժում, շահագործումմասնագիտության վրա՝ հավելելով՝ այսօր մեր բանակին խիստ անհրաժեշտ են բանիմաց, կապավորներ։

Կապանի համար 7 հիմնական դպրոցի աշակերտ Արման Պատվականյանը որոշել է. միանշանակ զինվորականի ուղի է ընտրելու. դիպուկապահար թե կապավոր կդառնա՝ դեռ կողմնորոշվելու ժամանակ ունի։ Վերջին ամսվա՝ սահմանին տիրող լարված իրավիճակը տղային չի մտափոխել, ընդհակառակը, ավելի է հաստատակամ դարձել։

Միջին մասնագիտական, նախնական մասնագիտական, արհեստագործական կրթական ծրագրով է քոլեջը ուսուցում կազմակերպում։
Ուսումնական տարվա ավարտվում է, և շրջանավարտներին մտատանջող հարցերից մեկն էլ այն է , թե ուր գնալ սովորելու։

Աշակերտների շրջայցը ավարտվեց դահլիճում, որտեղ բոլորը միասին ծանոթացան քոլեջի ուսանողական խորհրդի գործունեությանը և հաջողություններին։ Քոլեջն իր ուսանողներին առաջարկում է բարալավված շենքային պայմաններ, հարստացած նյութատեխնիկական բազա, վերապատրաստված դասախոսական կազմ ՝ այն ամենն ինչ անհրաժեշտ է որակյալ և բարձրակարգ մասնագիտություն ստանալու համար։