«Իմպուլսը» բողոքարկել է «Գանձասարի» հետ հանդիպումը

Spread the love
«Իմպուլսը» բողոքարկել է «Գանձասարի» հետ հանդիպումը

Այսօր «Իմպուլսը» ՀՖՖ է ներկայացրել մայիսի 3-ին ՀՀ բարձրագույն խմբի առաջնության 40-րդ տուրի «Իմպուլս»-«Գանձասար» հանդիպման մրցավար Տիգրան Հովսեփյանի գործողությունների վերաբերյալ բողոքարկում: Ստորեւ ներկայացնում ենք բողոքարկման դրվագները.

1. 14-րդ րոպեին մրցակցի պաշտպանը անկյունայինի խաղարկումից հետո տուգանային հրապարակում քաշում է Ալհասան Իլիասուի մարզաշապիկից, իսկ հանդիպման մրցավարը չի արձանագրում խաղի կանոնների խախտում եւ չի նաշանակում 11մ-ոց հարված:

2. 29-րդ րոպեին «Իմպուլսի» պաշտպան Հայկ Իշխանյանը մրցակցի նկատմամբ չի խախտում խաղի կանոնները, սակայն մրցավարը արձանագրում է կանոնների խախտում եւ զգուշացնում է նրան, իսկ «Գանձասարը» տուգանային հարվածով գրավում է «Իմպուլսի» դարպասը:

Մրցավարի կողմից վերոհիշյալ դրվագներում կայացրած որոշումները ազդել են խաղի վերջնական արդյունքի վրա: Ուստի, «Իմպուլսը» դիմել է ՀՖՖ խաղը վերախաղարկելու խնդրանքով:

Sport.am — Սպորտային Լրատվություն