Ե՞րբ է բարեկարգվելու ճանապարհը

Spread the love

Ե՞րբ է բարեկարգվելու ճանապարհըՉկա մի վարորդ, որ Կապանի Ձորք թաղամաս տանող ճանապարհն առանց նյարդայնանալու անցնի։ Վարորդներն արդեն դժվարությամբ են մտաբերում, թե երբվանից է ճանապարհն այս վիճակում։ Թաղամասի մեքենաներն ամեն անգամ անցնելիս վնասվում են, վարորդներն էլ ճարահատյալ լարում են ուժերը, որ խուսափեն խոշոր դարուփոսերի ճիրաններում հայտնվելուց։

Ե՞րբ է բարեկարգվելու ճանապարհըԽորդուբորդ ճանապարհից խուսափում են նաև տաքսու վարորդները։ Նրանցից շատերը պարզապես հրաժարվում են այս ճանապարհով բարձրանալուց։ Դե իսկ անձրևոտ օրերին երթևեկությունն առավել լարված է դառնում, փոսերը վերածվում են լճակների, իսկ թաղամասին անծանոթ վարորդները, ի տարբերություն ամեն քարի տեղը հիշողների՝ ծուղակն են ընկնում։

Ե՞րբ է բարեկարգվելու ճանապարհըԿապանի քաղաքապետարանից հայտնեցին, որ այս և մի շարք այլ փողոցների բարեկարգումը ևս ընդգրկված է այս տարվա հրատապ լուծում պահանջող խնդիրների իրականացման ծրագրում, կառավարության պահուստային ֆոնդից ֆինանսավորումը ստանալուն պես նորոգման աշխատանքները կսկսվեն։