Սպասելիքները ստիպում են շատ աշխատել

Spread the love

Սպասելիքները ստիպում  են շատ  աշխատել
«Սկզբում որպես պահակ ,հետո փականագործ, ապա հերթափոխի վարպետ. այսպես քայլ առ քայլ հասել եմ նրան, ինչին ձգտել եմ տարիներ շարունակ»,- զրույցի ընթացքում հպարտությամբ նշում է Վարդան Խաչատրյանը, ով արդեն հասցրել է բավականաչափ փորձ ձեռք բերել «ԶՊՄԿ» ՓԲԸ-ի տեխնիկական հավաքակայանում աշխատելիս։ Եվ ինչպես կոմբինատի մյուս աշխատողները, Վարդանը ևս մասնագիտանում է տարեցտարի խոշորացող ու արդիականացող տեխնիկային համընթաց։

Ամենատարբեր քաշի մոտ 50 մեքենաներ գտնվում են հերթափոխի վարպետի հսկողության տակ ։ Լավ մասնագետը դրանք պետք է 5 մատի պես իմանա, տեղյակ լինի անգամ ամենափոք դետալինղ պատասխանատու պահին ճիշտ կողմնորոշվելու համար։ Այստեղ գործը սպասել չի սիրում, ամեն վայրկյանը կարող է խաթարել արտադրության բնականոն ընթացքը։

ԲՈՒՀ-ում ստացած մասնագիտական գիտելիքները տեխնիկան նորոգելիս անհրաժեշտ են լինում, սակայն գործնականում ավելի շատ փորձն է օգնում։ Բացի ճարտարագիտական համալսարանից Վարդանը հասցրել է նաև 2 մասնագիտությունը ձեռք բերել ՝ Խ.Աբովյանի անվան մանկավարժական համալսարանի բանասիրության ֆակուլտետը ավարտելով , ինչը անմիջապես զգացվեց զրույցի առաջին իսկ րոպեներից։ «Սպասելիքներն ու նպատակները ստիպում են առավել շատ աշխատել» ,-ասում է հերթափոխի վարպետը։ Առայժմ դրանք ծրագրածս հերթականությամբ են իրականանում,-ասում է։
Եվ ինչպես ԶՊՄԿ-ում աշխատող մի շարք մարդիկ , Վարդան Խաչատրյանը ևս համոզված է ,որ ձեռնարկությանը նվիրված մասնագետը միշտ գնահատված ու պահանջված է :
Հերմինե Միքայելյան