Սոցիալական ծանր պայամաններում ապրող ընտանիքներին ցուցաբերվող ցանկացած օգնություն մեծ նշանակություն ունի

Spread the love
Սոցիալական ծանր պայամաններում ապրող ընտանիքներին ցուցաբերվող ցանկացած օգնություն մեծ նշանակություն ունի

«Ես կյանքում կմկմացած չեմ, բայց հիմա ոչ մի բան չեմ կարողանում ասել»,- Ջուլիետա Բաբայանի հուզմունքի պատճառը հասարակ մարդկային ուշադրությունն է:Փետրվարի 11-ին մեր տեսանյութում պատմել էինք անժառանգ կնոջ մասին, ով վիրահատության կարիք ունի: Տարիներ առաջ ազդրային հոդերի կոտրվածք ստանալը կարելի է ասել ճակատագրական դարձավ կնոջ համար: Առանց հենակների տեղաշարժվել չի կարողանում ,տնից էլ հազվադեպ է դուրս գալիս: Ջուլիետա Բաբայանը պատմել է, որ նույնիսկ նախնական հետազոտության գնալու համար գումար չունի: Մեր տեսանյութը անտարբեր չթողեց շատերին : Ամերիկայի միացյալ նախահանգների Բոստոն քաղաքում բնակվող Արմեն և Եղիա Գրիգորյանները դրամական օգնություն են ուղարկել: Տիկին Ջուլիետա արդեն մայրաքաղաք ուղևորվելու մասին է մտածում:
Հավատը կրկին Ջուլիետա Բաբայանին հույս է տալիս: Ինչպես ասում են` սկսել է ամեն ինչի այլ աչքով նայել: Երբևէ չէր մտածել, որ կարող է իրեն էլ օգնության ձեռք մեկնողներ կլինեն: Փետրվարից իր կյանքը փոխվել է, իհրակե, դեպի լավը: Օրվա հացի փողը տնային պայմաններում կար անելով վաստակող կինը ուրախ է,որ հնարավորություն է ստեղծվել առողջության մասին մտածելու:
Մայթաղի Ղոնյանի հասանելիք գումարը նույնպես տեղ հասավ: Որոշել է այդ գումարով հագուստ գնել:Գումարը ծառայեց իր նպատակին`որդին և հարևաները անմիջապես միասին արդեն նոր հագուստ են ձեռք բերել: