2030 թ.ուռուցքներով հիվանդների թիվը երկու անգամ կավելանա
Subscribe by RSS or Email
"Սոսի" հեռուստատեսություն » Նորություններ » 2030 թ.ուռուցքներով հիվանդների թիվը երկու անգամ կավելանա


2030 թ.ուռուցքներով հիվանդների թիվը երկու անգամ կավելանա

 

Հեղինակ.

 

2030 թ.ուռուցքներով հիվանդների թիվը երկու անգամ կավելանա


2030 թ. ամեն տարի արձանագրվող քաղցկեղի հիվանդացությունն ամբողջ աշխարհում կբարձրանա, հասնելով մինչև 22 մլնի: 2008թ. այս թիվը կազմել էր 12,7 մլն:

Այսպիսի տեսության են հանգել Քաղցկեղի ուսումնասիրման միջազգային գործակալության (IARC) աշխատակիցները: Նրանք լայնամասշտաբ վիճակագրական հետազոտություն են անցկացրել, օգտագործելով մարդկային ներուժի զարգացման դասիչը, որպեսզի գնահատեն, թե տարբեր պետություններում մարդկանց կյանքի որակը (կյանքի տևողությունը, կրթությունը, եկամուտները և այլն) ինչպես է ազդում ուռուցքաբանական հիվանդությունների զարգացման վրա: ԱՀԿ-ի մասնագետներն ուսումնասիրել են ուռուցքաբանական հիվանդությունների տարածման դինամիկան 2008 թ., նաև` 1988-2002 թթ ընկած. ժամանակահատվածում:

Այն երկրներում, որտեղ մարդկային ներուժի զարգացման դասիչը բարձր է եղել, ամենից շատ տուժել են այնպիսի հիվանդություններից, ինչպիսիք են կրծքագեղձի, թոքերի, կերակրափողի և շագանակագեղձի քաղցկեղը: Միջին դասիչով երկրներում առավել տարածված են եղել քաղցկեղի հետևյալ տեսակները` արգանդի վզիկի, ապա` լյարդի և կրծքի: Ընդ որում, տղամարդիկ ամենից հաճախ տառապել են շագանակագեղձի, լյարդի և թոքերի քաղցկեղից, իսկ կանայք` կրծքագեղձի և արգանդի վզիկի քաղցկեղից:

Մեկնաբանելով իրենց հետազոտության արդյունքները, IARC-ի աշխատակիցները նշել են, որ առանձին երկրներում հաջողված սոցիալական և տնտեսական բարեփոխումները շատ դեպքերում նպաստում են ուռուցքային հիվանդությունների նվազեցմանը, մասնավորապես, ինֆեկցիաներով հրահրված քաղցկեղների: Դրա հետ մեկտեղ, աճում է հիվանդությունների նոր դեպքերի թիվը, որոնք հրահրված են վերարտադրողական և հորմոնային գործոններով, նաև կենսակերպով, մասնավորապես, սննդակարգերով:


Սկզբնաղբյուր. Առողջապահության լրատու 12-13.2012Աղբյուր. med-practic.comԼուսանկարը. immunar.ruՀոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Մեկնաբանություններ չկան

Ավելացնել մեկնաբանություն!