Շախմատային տոն Քաջարանում
Subscribe by RSS or Email


Շախմատային տոն Քաջարանում

 

Հեղինակ. Նելլի Միրզախանյան

 

Շախմատային տոն Քաջարանում Մարզի տարբեր տարածաշրջաններից 105 շախմատիստներ Քաջարան են հասել միասին տոնելու շախմատի հաշխարհային օրը։ Իսկ այդ հնարավորությունը նրանց ընձեռել է հովանավոր՝ Զանգեզուրի պղնձամոլիդենային կոմբինատը։ Դահլիճում քար լռություն է, խաղատախտակների առջև ծավալվող պարտիաներն էլ մեկը մյուսից գեղեցիկ և դիտարժան։
Շախմատային տոն Քաջարանում
Արագ շախմատի մրցաշարը անցկացվեց Զանգեզուրի պղնձամոլիբդենային կոմբինատի մշակույթի պալատում։ Մեկօրյա ստուգատեսը հավուր պատշաճի կազմակերպելու համար նախաձեռնողները պատրաստվել են ամենայն լրջությամբ։ Երևանի պետական համալսարանի դոցենտ , աշխարհագրական գիտությունների թեկնածու Կամո Ալեքսնյանը ուրախ է ,որ ՖԻԴԵԻ-ի « Բոլորս մեկ ընտանիք» կարգախոսին համահունչ հավաքվելու առիթ է ստեղծվել ։
Շախմատային տոն Քաջարանում
Շվեյցարական մրցակարգով ,ինը խաղափուլով ընթացավ մրցաշարը ։ Մասնակիցները բաժանվել էին 2 խմբերի ՝ որակավորման 2-րդ և ավելի բարձր կարգ և 3-րդ ու ավելի ցածր կարգ ունեցողներ։ «Ֆիշերի» ժամակարգով մասնակիցներին յուրաքանչյուր պարտիայում տրվել էր 10 րոպե մինչև խաղի ավարտը և միաժամանակ յուրաքանչյուր քայլի համար սկսած առաջինից 5 վայրկյան լացուցիչ ժամանակ։
Բոլոր մասնակիցների հաղթելու ցանկությունը մեծ էր։

Շախմատային տոն Քաջարանում
Մտքի խաղի սիրահարներ առաջինից 8-րդ տեղերը զբաղեցրած շախմատիստները կոմբինատի կողմից պարգևատրվեցին համապատասխանաբար 25,20,17,13,10,8,7 և 5 հազարական դրամներով։ Դրամական պարգևներ էր սահմանվել նաև 65 տարեկանից բարձր սենյորի, 50-60 տարեկան վետերանի ,մինչև 18 և մինչև 14 տարեկան պատանի մասնակցի և աղջիկ խաղացողների համար. յուրաքանչյուրը ստացավ 5 հազարան դրամ։Հովանավորի կողմից կազմակերպիչները, հյուրերը ,լավագույն շախմատիստները նաև արժեքավոր գրականություն ստացան։
Մեկնաբանություններ չկան

Ավելացնել մեկնաբանություն!