Թրքուհի՜, դու կարող ես արդարության ու ճշմարտության ջահակիրը դառնալ...
Subscribe by RSS or Email
"Սոսի" հեռուստատեսություն » Նորություններ » Թրքուհի՜, դու կարող ես արդարության ու ճշմարտության ջահակիրը դառնալ...


Թրքուհի՜, դու կարող ես արդարության ու ճշմարտության ջահակիրը դառնալ...

 

Հեղինակ.

 

Թրքուհի՜, դու կարող ես արդարության ու ճշմարտության ջահակիրը դառնալ...



Այսօր Երեւանի Ճարտարապետության եւ շինարարության Պետական համալսարանի ուսանողները ծաղիկներով , ցեղասպանությանը նվիրված պաստառներով եւ նկարներով քայլերթ էին կազմակերպել դեպի ցեղասպանությունը հավերժացնող հուշահամալիր: Ուսանողներից մեկը անցորդներին էր բաժանում թղթի վրա տպագրված ցեղասպանությանը նվիրված մի բանաստեղծություն:

«Նոյյան Տապան»-ի թղթակցին նույնպես տրվեց այդ թերթիկից, ով հասնելով խմբագրություն, աշխատակիցների հետ ընթերցելով բանաստեղծությունը մեծ հուզմունք ապրեցին, եւ որոշեցին երիտասարդ ուսանողուհու` Գրետա Արսենյանի գրած «Նամակ թրքուհուն» բանաստեղծութունը ներկայացնել մեր ընթերցողին.

Նամակ թրքուհուն

Որպեսզի ցավս մի քիչ հասկանաս, լինես սրտակից,
Դու միայն լսիր, լսիր ու ներիր, հոգուդ այսքան բեռ դնելու համար:
Թրքուհի, դու` որ մայր ես, քույր, դուստր ու թեկուզ` մեծ մայր.
Ի զարմանս քեզ , անեծք չեմ հղում ես իմ շուրթերից,
այլ միայն աղոթք ` հոգուդ փրկության ու ազգիդ համար:
Լսիր թրքուհի, երբ կհարսնանաս,
Հարսի քողի տակ թողություն խնդրի հայուհիներից`
Չհարսնանալու, թափած արցունքի ու արյան համար,
Դու օրհնիր հային , օտար հայուհուց դու ներում հայցիր`
ամեն կործանված, անարգված, խեղված ճակատագրի,
չծնված հայի ու մանկան համար:
Երկունքիդ ցավը մարելու պահին
դու ապաշխարհիր, դիմիր ալլահիդ,
աղոթք մրմնջա ` նորածին որդուդ ու հայի համար:
ու հենց որ լսես քո մանկան ճիչը,
աղոթիր աստծուն, աղերսիր, հայցիր,
ապուպապերիդ հանցանք-ոճիրի , գործած մեղքերի
թողության համար,
մեր չմայրացած հայ աղջիկների ,
նրանց կորստի ու ցավի համար:
Աղոթքիդ ժամին հաճախ մրմնջա `
մեղա քեզ, մեղա…
Թրքուհի, դու մայր, դուստր, քույր, մեծ մայր,
Դու մեղավոր չես , բայց դեռ կարող ես
արդարությանն ու ճշմարտությանը ջահակիր դառնալ…
…ու թե այցելես ազգիդ թանգարան,
ու թանգարանում յաթաղան տեսնես, կամ զենք ու զրահ,
Մի հպարտացիր , քանզի յաթաղանն էլ հայելու նման
հիշում է աչքերն ու արյան հոտը հայ անմեղ մանկան…
Որպեսզի հոգիդ մեղքից ազատես ու անեղծ պահես ,
դու այսուհետեւ հայ մանուկների եթե հանդիպես,
շոյիր գլուխը, փայփայիր սրտանց ,
ինչպես քո որդուն դա դա կանեյիր,
խոստանումեմ քեզ, զոհի խարանը ինձնից կվանեմ ,
նույնն էլ ես կանեմ…


Գրետա Արսենյան
Երեւանի Ճարտարապետության եւ շինարարության
Պետական համալսարանի ուսանողական խորհուրդ


http://nt.am
Մեկնաբանություններ չկան

Ավելացնել մեկնաբանություն!